Os corcubioneses Pablo Lestón e Brais Lado foron as figuras da xornada inaugural de cuartos de final do torneo do KO, no que tiraron de clase para guiar a Fisterra e Malpica, respectivamente Dieguito, atacante onte do Ponteceso - Foto: SD Ponteceso   Ponteceso 3-1 Cerqueda

• Campo: O Pinguel
• Ponteceso: Brais (Xurxo min.37), Ismail, Matías, Dani Cotelo, Charly (Alberto Recarey min.59), Mendieta, Baba, Nando, Dieguito, Mara (Eloy min.73) e Charro
• Cerqueda: Diego Dourado, Bastón (Sergio m.75), David,Uru , Dani, Cholo (Vieites m.63), Michel, Eloy (Lorenzo m.46), Iván, Méndez e Athu (Juanjo m.90)
• Árbitro: González Rey (A Coruña). Amonestou a Charly, Isma, Alberto Recarey, Baba, Matías, Nando e Mendieta do Ponteceso; Eloy Iván Mato, Uru e Vieites do Cerqueda
• Goles: 1-0 m.7 Baba; 1-1 m.15 Athu; 2-1 m.52 Baba; 3-1 m.55 Mara

Baba, bigoleador dos da Vila de Pondal - Foto: SD Ponteceso Derbi de diccionario Tódolos elementos habituais dun encontro entre veciños xuntáronse para converter o Ponteceso-Cerqueda nalgo máis que na apertura dos cuartos de final da Copa da Costa. Houbo intensidade, polémica, oportunidades e accións cun punto de intensidade superior á dunha cita ligueira ao uso. A pesares da orde que mantiveron os dous de inicio xa se deran dous goles no primeiro cuarto de hora, ademais dunha acción de gol para os visitantes. Abriría o marcador un dos grandes protagonistas da tarde, o africano Baba, cun disparo lonxano que atopou a colaboración de Diego Dourado nun despexe erróneo. Unha das primeiras accións polémicas chegaría na igualada case inmediata, co tanto de Athu á saída dunha falta. Os pontecesáns reclamaron falta no salto sobre Brais, quen tivo que ser sustituído intres despois. Por parte visitante o enfado viría ao fío do intermedio despois da invasión dun seareiro local ao campo. Ademais a UD  reclamou a agresión dun xogador pontecesán nunha acción xunto ao asistente. O paso por vestiarios sentaríalle mellor ao Pontecceso, que faría de novo un par de goles madrugadores e condeatorios. Baba facía o segundo (o Cerqueda pediría fóra de xogo) e Mara empurraba o terceiro. O ida e volta final deixou varias accións claras de compromir aínda máis o cruce cara á votla, pero os de Periscal non tiveron puntería.   Malpica 2-1 Dumbría

• Campo: A Pedra Queimada
• Malpica: Brais, Marcos Pensado, Rubén (Pablo m.85), Mario, Alberto, Laye, Isma, Cristian (Petís m.75), Leilán, Eloy e Brais Lado
• Dumbría: Iago Buzón, Jose, Iago, David Carreira (Pablo Conde m.46), Jose Miguel (Cristian m.66), Aarón, Diego Cespón, Rivi, Darío Capelo, Charly (Martín m.66) e Raúl
• Árbitro: Sánchez García (A Coruña). Amonestou a Raúl e Rivi do Dumbría
• Goles: 1-0 m.35 Leilán; 1-1 m.42 Rivi; 2-1 m.48 Eloy Cabeza

Ese verdugo con faciana coñecida Unha soberbia actuación de Brais, unha máis, fixo saltar a sorpresa no cruce entre o seu Malpica e un Dumbría no que deixara o seu selo hai uns anos. O corcubionés foi en todo momento a referencia dos de Repi, que aguantaron moi ordeados e xuntos e buscaron en todo momento a saída a través de balóns longos. Así discorrería unha primeira metade que rachou contra o final. Abriron o marcador os malpicáns, nunha acción por banda con diagonal hacia dentro de Brais, quen sacou un pase entre líneas para que definise Leilán. Pouco despois o ceense Rivi saería ao rescate para converter en gol un balón morto no área. Outro Brais, o gardamallas local, estivo notable nas tentativas máis claras do Dumbría, unha por metade. Botaron en menos os brancos a referencia que supón Adrián en punta, e tampouco tiveron demasiada claridade. O tanto decisivo chegaría ao pouco de iniciarse o segundo tempo, e levaría por sinatura tamén a de dous ex do Dumbría. Brais fabricou e Eloy Cabeza rematou lembrando á súa faceta de máis novo, cando era un box to box.   Fisterra 3-1 Camariñas

• Campo: Ara Solis
• Fisterra: Joselu, Fabi (Cristopher m.70), Robertín, Tati (Pablo Lestón m.61), Jorge (Isma Leis m.56), Piti, Roco, Cote, Adri (Angeliño m.46), Roa e Bruno
• Camariñas: Brais, Maikol, Kevin, Gabi, Pablo Mouzo, Míchel, Brais Chicote, Yuyo, Nazo, Javi e Maikel
• Árbitro: Rey Molano (A Coruña). Expulsou a Pablo Mouzo do Camariñas (m.77). Amonestou a Roco e Adri do Fisterra; Maikol e Maikel do Camariñas
• Goles: 1-0 m.16 Bruno; 1-1 m.30 Javi Antelo; 2-1 m.84 Pablo Lestón; 3-1 m.88 Angeliño

Illa, illa, illa… Pablo marabilla Na fin de semana na que Leo Messi puxo o fútbol nacional aos seus pes, e na que Francesco Totti encheu de bágoas os corazóns de tódolos amantes do fútbol, outro 'delicatessen man' (moi lonxe iso si do concepto de one club man) reclamou a súa cuota de protagonismo cuns minutos máxicos que desequilibraron o cruce entre Fisterra e Camariñas. Durante os oitenta minutos anteriores á súa aparición tiña sido unha cita aguerrida, igualada, batallada e sen demasiadas concesións. Moi xunto e sen desfacerse, o cadro palilleiro presentárase curtísimo de efectivos e sen demasiados recursos, algo que si tiña un Fisterra que buscaba constantemente o desequilibrio de Bruno. E atapouno ao cuarto de hora de partido, despois de desfacerse de seu par na banda e sacar un disparo inapelable. Á tarde máxica apuntouse tamén Javi Antelo, á media hora de encontro, para converter de xeito perfecto unha falta cometida sobre Nazo. Non variou demasiado o panorama na segunda metade, polo menos ata expulsión de Pablo, nun erro ao tentar despexar o balón. E aí comezou o recital de Pablo Lestón, primeiro para poñer no segundo pau un disparo lonxano e posteriormente para asistir a Angeliño despois de provocar un colapso campal na zaga visitante. Amagou e destrozou cun movemento de cadeira a cantos rivais lle saíron ao pao. Ese baile de tango nunha baldosa acabou convertido en caramelito de pase para Angeliño, que só tivo que empurrar.   Baíñas 1-0 Baio

• Campo: Municipal de Vimianzo
• Baíñas: Maikel, Jaime, Tantán, Álex Canedo, Cristian, Chento, Esteban, Felipe, Canay (Oreiro m.86), David Blanco (Héctor m.86) e Pablo Muíño
• Baio: Diego, Isaac, Norberto, Yago, Luis, Fachal, Moreno (Christian m.81), Rubio (Martín m.55), Bieito, Javi Suárez (Santi Díaz m.72) e Martín MC
• Árbitro: Larrosa Pérez (A Coruña). Expulsou a Pablo Muíño (m.90) do Baíñas. Amonestou a Esteban, Álex Canedo, Canay do Baíñas; Luis Alvite, Bieito e MC do Baio
• Gol: 1-0 m.78 Tantán

Sorpresa! Un gol de Tantán na recta final deulle ao Baíñas o triunfo sobre o campión da Liga da Costa, algo 'tocado' físicamente tralo sprint final do torneo da regularidade. Os locais, cun grupo humano perigosísimo, foron quen de xogar de ti a ti. Non sucedeu demasiado na primeira metade, na que só houbo unha ocasión de Tantán á saída dun córner e un posible penalti a prol dos visitantes. Un pau de MC e un paradón de Maikel foran tamén do pouco destacado nunha segunda metade en forma de disputa sen demasiadas concesións. Un córner sacado por Canay e resolto por Tantán decidiu na recta final.