Dumbría e Xallas disputarán unha máis que viva final da Copa da Costa FEM
![Dumbria-Camarinas da semifinal da Copa da Costa 2024-Foto-CF DUmbria](/asset/thumbnail,992,558,center,center/media/quepasanacosta/images/2024/05/27/2024052710110463379.jpg)
Fantásticos ambientazos no Cairo e no Conco para ver as semis da Copa da Costa FEM. Os equipos femininos demostraron que a maxia da Copa non entende de xéneros e viviron dúasgrandes festas do Fútbol da Costa. Mandou o fútbol, e os equipos favoritos fixeron cumplir os pronósticos, deparando unha fermosa final para a vindeira semana entre Dumbría e Xallas.
![Ambientazo no Conco para a semifinal da Copa da Costa FEM-Foto-CF DUmbria](/media/quepasanacosta/images/2024/05/27/2024052710110535379.jpg)
Corme - Xallas (0-2)
- Corme: Lucía; María, Laura (Natalia), Aroa, Irene, Vero; Olalla, Ana (Mónica), Carla, Cris e Nerea (Ana).
- Xallas: Rosío, Carla, Alicia, Saskia, Andrea Barbeira, Andrea Otero, María Rial, Noe, Yasmina, Olalla e Michelle. Tamén: Yaiza, Inés, Paula, Laura e Claudia.
- Goles: 0-1, m.65: Noelia de falta dende moi lonxe por riba; 0-2, m.90: Claudia.
Notouse a diferencia de categoría no Cairo, pero así e todo demostrouse que a Copa da Costa é pura maxia. O Corme chegaba coa baixa da meta Belén, que non se perdera ningún partido en toda a Liga, tendo que poñerse Lucía baixo paus. As de Rubén Souto saían moi xuntiñas, tratando de vixiar de preto a Olalla e Yasmina. As cormelás, conscientes da superioridade xalleira, intentaban gardar a meta a 0 o maior tempo posible intentando facer que lle entraran as presas ás de Rupper, que non sufrían para nada na zona de atrás gracias a unhas centrais inconmensurables, que permitían que Rosío apenas tocase o balón.
Na segunda o Xallas metiulle un ritmo máis elevado ante un Corme que non se descompuña. Chegado o m.65, unha falta dende moi lonxe de Noelia aproveitaba a inexperiencia baixo paus de Lucía para colarlla por arriba. O Corme tivo que estirarse pero o Xallas soubo manexar os tempos do partido, co balón e conseguindo sentenciar na última xogada do choque.
Dumbría - Camariñas (3-0)
- Dumbría: Lissette, Noa, Paula Carril, María, Reyes, Sabela, Eva Lema, Claudia, Maria, Paula Fandiño, Kelly. Tamñen. Laura, Lucía, Juliette Yoli e Lara.
- Camariñas: Karen, María Mouzo, Aurífero, Rosana, Rocío, Elena, Paula Mouzo, Laura, Nuria, María e Lara. Tamén: Desiree, Ainoa, Diana, Sarai e Leti.
- Goles: 1-0, m.65: Claudia; 2-0, m.66: Eva; 3-0, m.75: Paula Carril de penalti.
![Paula Mouzo e Paula Fandino capis do Camarinas e Dumbria no Conco-Foto-CF DUmbria Fem](/media/quepasanacosta/images/2024/05/27/2024052710105959140.jpg)
Demostrou o Camariñas a súa tremenda melloría ao longo deste o seu ano de debut. as de Cabrejo e Pepucho se prantaron nas semis da Copa ante todo un Dumbría, recén campión da Liga da Costa e novo equipo da 2ª. E puxo oposición durante máis dunha hora, cando o Dumbría conseguíu romper o partido.
O Dumbría de Santi dominaba con comodidade, tendo varias ocasións, pero algo precipitadas no último pase. Aguantaban as camariñás cun gran facer defensivo.
![Camarinas e Dumbria no Conco-Foto-CF DUmbria Fem 2](/media/quepasanacosta/images/2024/05/27/2024052710110390562.jpg)
Na segunda metade, non lle colleron as presas ás locais, e no ecuador conseguían marcar dous goles seguidos, cos que afrontaron os últimos 20 minutos con tranquilidade, ante un Camariñas xa canso que non conseguíu meterlle medo ao poderoso cadro dumbriés-
![Familia do CF DUmbria FEM celebrando o pase a final da Copa](/media/quepasanacosta/images/2024/05/27/2024052710110611227.jpg)