Xoves. 02.04.2020
El tiempo

O Mazaricos cambia de rumbo

Casais, con Miki, nunha das Galas de QPC
Casais, con Miki, nunha das Galas de QPC
O Mazaricos cambia de rumbo

Atópase fóra dos postos de descenso directo da 1ª Galicia, pero con tan só 2 puntos de marxe precisamente sobre o Volantes, despois dunha serie de 6 partidos sen coñecer a derrota. Unha situación deportiva que provoca unha marexada no Mazaricos CF, que esta pasada noite de mércores anunciaba cambios importantes.

Emilio Carreira deixa a presidencia do club, despois dun traballo excelente, cun título da Liga da Costa e un ascenso á 1ª e mesmo a creación do primeiro equipo feminino.

Volve a tomar o mando Casais, coa mesma directiva de hai 3 anos, e que xa levan dende outubro traballando no seo do club.

A primeira decisión da directiva é o cese do adestrador. Era a primeira experiencia de Chicho, co que falabamos o pasado mes de decembro en profundidade, no Fútbol da Costa, pero de seguro que vemos máis veces por aquí ao adestrador da Serra de Outes.

A primeira opción para ocupar o posto é Néstor Romero, que xa fora adestrador amarelo durante varias temporadas, pero aínda falta a súa confirmación a volver aos bancos despois dunha temporada de descanso.

Novas relacionadas

comentarios