Arrincou a Copa da Costa 2016/2017 e o fixo neste festivo día de todos os Santos, nunha ida dos Dezaseisavos que se completará na ponte de decembro. Tiña un foco de atención esta eliminatoria, cun novo duelo copeiro entre Dumbría e Xallas, un clásico dos últimos anos. Foron os dumbrieses mellores que os xalleiros e levan un 2-0 para a volta que pode deixar na caseta, ás primeiras de cambio, ao actual campión. O esteirán Raúl e o ceense Diego Cespón foron claves na vitoria dos de Julián Ferreiro. Noutra das eliminatorias máis fermosas, Corme e Baio (na eliminatoria nº100 do equipo baiés) deixaron un partidazo e completaron un 3-3 que deixa todo aberto para a volta no Platas Reinoso. O resto de eliminatorias foron moi igualadas, e só Zas, Fisterra e Camariñas avanzaron bastante camiño cara os Oitavos, vencendo con amplitude a Coristanco, Laxe e Montelouro. O resto de eliminatorias quedaron con empates ou vitorias pola mínima que deixan todo aberto. Entre os partidos destacados, o Ameixenda-Baíñas, cun toma e daca e unha remontada espectacular dos ceenses. Como detalle destacado, o golazo de Míchel para o Cerqueda:

Novas relacionadas

• Xallas de Bucarest, campión da Copa da Costa 2016.

Máis información

• O Cadro da Copa da Costa.
• As táboas de resultados e clasificacións en www.futboldacosta.com. Piquen dende o seu teléfono e pulsen “Engadir a pantalla de inicio”, para ter sempre os resultados no peto.
• A actualidade no Facebook “Fútbol da Costa”.