Recuperan a histórica Liga de Fútbol Sala Sénior de Cee
Durante décadas foi unha das ligas de fútbol sala máis importantes da comarca. E de cara ao curso que vén a familia do FSF Villa de Cee quere recuperar esa histórica Liga de Fútbol Sala Sénior.
O club xa traballa para conseguir todos os permisos, e xa conta co patrocinio da empresa fisterrá Suarea Produtos do Mar, parte especialmente activa desta iniciativa, e tamén coa colaboración do concello de Cee.
A Liga disputarase de outubro de 2023 a maio de 2024, e haberá 14 equipos como máximo por riguroso orden de inscrición (a maiores habilitarase un grupo de equipos de reserva).
Os partidos serán no pavillón municipal de Cee todos os luns e mércores.
Así, xa se poden ir pedindo información e reservando praza no 679.012.595, antes do 12 de xuño de 2023.
