Na Asemblea deste pasado mércores a Real Federación galega de Fútbol informaba aos clubs da 1ª Galicia das 3 posibilidades para conformar os grupos definitivo. Os clubs teñen ata o martes para votar a que prefiran sobre as 3 opcións que hai enriba da mesa.

3 opcións que varían entre :

• Opción 1: os clubs da Costa estarían xuntos, competindo ata Caión, e cos equipos de Santiago (ata Agolada);
• Opción 2: A Esteirana quedaría separada dos Muxía, Dumbría, Fisterra, Castriz e San Lorenzo, estando no grupo de Santiago/Barbanza mentres o resto participarían nunha 1ª coruñesa.
• Opción 3: Os equipos da Costa permanecerían xuntos competindo dende Carballo, ata Vea e ata a Barbanza.

Por agora os clubs aínda están estudando as opcións, pero por exemplo por Esteiro cren que a 3ª opción é a máis favorecedora para eles; por Castriz pensan na 1 ou na 3, por desprazamento e pola zona de onde son boa parte dos xogadores; ou o Fisterra, que consideran a 1 e 2 as mellores.