Martes. 02.06.2020
El tiempo

Laxe propón un outono de penedos, samaín e comercio

Laxe propón un outono de penedos, samaín e comercio
Programa de Outono de Laxe 2018 Novo trimestre e a Concellería de Comercio, Hostalería e Turismo de Laxe presenta xa o programa de actividades que se enmarcan dentro do proxecto reLAXEse. Un programa, completo e variado, pensado para os públicos máis diversos, que terá como protagonistas aos Penedos, ademais do Samaín, e outras actividades.

Penedos de Traba e Pasarela

Dosier maisquepedras Penedos Traba e Pasarela Os Penedos de Pasarela e Traba gozan por primeira vez dunha programación conxunta entre os Concellos de Laxe e Vimianzo. O sábado 20 ás 9.00 horas haberá unha andaina polos Penedos. A participación é gratuita e a inscripción está dispoñible dende a web turismolaxe.gal. Para o sábado 27 ás 18.00 horas está previsto un recital poético conmemorativo da Paisaxe Protexida. Será na Cachucha e correrá a cargo de Manuel Rivas. O punto de encontro será na escola unitaria de Pasarela ás 19.00 horas e non se require inscrición previa.

Samaín

No marco da celebración popular do Samaín, o concello prepara unhas xornadas terroríficas orientadas a público maior de 16 anos. Trátase dunha proposta novedosa, coa que pretenden dinamizar a ponte de novembro e diversificar a oferta de actividades turísticas: O mércores 31 de outubro de 21.00 a 23.00 horas haberá un camiño do terror polo paseo marítimo. A distancia de 1 km estará repleta de sustos e aventuras, soamente aptas para os máis valentes. A saída en grupos de 5 persoas farase dende a caseta de socorrismo. O xoves 1 de novembro será o turno para os máis pequenos. Ás 19.00 horas haberá unha sesión de maxia terrorífica no Museo do Mar. O espectáculo está aberto a tódolos públicos. As persoas maiores de 16 anos, poderán participar nun tunel do terror o venres 2 de novembro a partir das 20.00 horas. Será no Museo do Mar, convertido nunha terrorífica clínica psiquiátrica para a ocasión. Os grupos serán de 5 persoas. O sábado día 3 de novembro de 20.00 a 23.00, cluedo en vivo para maiores de 16 anos. Os grupos de 10 persoas entrarán cada 45 minutos.

Charlas e visitas guiadas

CHARLAS no Outono de Laxe A estas actividades hai que sumar as presentación do libro “Toponimia do Concello de Laxe”, e diversas charlas informativas sobre as distancias das plantacións, a avespa velutina ou a micoloxía. As visitas guiadas tamén terán marcada presenza no programa de actividades dos vindeiros meses: as visitas a ETAP do Vadalama e a EDAR da Canteira, a recolección de cogumelos nos montes de Laxe, e o patrimonio relixioso son as propostas. E como non, actividades prácticas através de talleres participativos: un de cociña ecolóxica e nutrición deportiva, e outro de elaboración de xabón artesanal, completan este apartado.

Comercio

Súmanse finalmente as campañas do sector comercial, a través da celebración do BLACK FRIDAY e unha campaña específica de Nadal. Ambas en colaboración coa asociación de comercio local, COMERLAXE. Tódalas actividades son gratuítas e contan co apoio económico da Deputación Provincial da Coruña.

Novas relacionadas

https://quepasanacosta.gal/laxe-e-vimianzo-unense-para-reivindicar-os-penedos-como-moitomaisquepedras/

comentarios