A Lei de Costas, a debate en Laxe
O vindeiro xoves 17 de outubro, celebrarase en Laxe a primeira sesión do curso académico 2013/2014 do Seminario de Dereito Administrativo organizado polo Grupo de Investigación en Dereito das Administracións e Entidades do Sector Público da Universidade de Santiago de Compostela, grazas ao financiamento da Consellería de Cultura, Educación e Ordenación Universitaria da Xunta de Galicia e á colaboración do Hotel Praia de Laxe.
O obxecto deste seminario, impartido por Juan Ureña Salcedo, profesor titular de Dereito Administrativo da Universidade de Valencia e experto de recoñecido prestixio na materia, consistirá na análise do réxime xurídico das costas, tema de actualidade que reviste gran interese, especialmente, para os habitantes do litoral galego, afectados polas previsións da recientemente aprobada Lei 2/2013, de 29 de maio, de protección e uso sostenible do litoral e de modificación da Lei 22/1988, de 28 de xullo, de Costas.
Novas relacionadas
Fonte
- Redacción de QPC (info@quepasanacosta.gal).
