O DOG publica a catalogación do Arquivo Vidal como BIC
O pasado mes de xullo confirmábase que Arquivo Vidal xa era Ben de Interese Cultural. Feito rubricado hoxe coa publicación no DOG da catalogación.
O tesouro patrimonial, custodiado no Museo do Mar de Laxe ve recoñecido este título “pola súa relevancia histórica, artística e documental”. Son 43.475 fotografías en soporte plástico, 5886 fotografías en vidro e 10.306 en papel, o que supón un total de 59.667 unidades fotográficas feitas por Plácido Vidal Díaz e José María Vidal García (pai e fillo) sobre a vida das comarcas de Soneira e Bergantiños dende finais do século XIX ata os anos 70 do pasado século.
Implicacións técnicas
O decreto implica a súa máxima salvagarda e tutela, polo que a súa utilización quedará subordinada a que non se poñan en perigo os valores que aconsellan a súa protección. Neste sentido, permitirase o acceso ao persoal habilitado para a función inspectora, ao persoal investigador acreditado pola Administración e ao persoal técnico designado pola Administración autonómica para a realización dos informes necesarios para a súa conservación. Así mesmo, establecerase un réxime de visita para o público de, polo menos, catro días ao mes.
Novas relacionadas
- Xullo 2017: O Arquivo Vidal xa é Ben de Interese Cultural:
- Abril 19: A historia do Arquivo Fotográfico Vidal.
- Abril 19: Laxe estreou unha potente exposición sobre a vida e obra de Vidal.
- Setembro 2018: O Arquivo Vidal dá pasos para a súa declaración como Ben de Interese Cultural.
- Agosto 18: O libro fotográfico de Vidal desborda ilusión.
- José Vidal, “o fotógrafo da xente”. O libro de Xan Fernández Carrera.
- “A historia da Costa da Morte do século XX resultaría moi difícil de escribir sen consultar a obra de Ramón Caamaño e José Vidal”.
