A posta en perigo da mámoa Arquiña de Vilaseco por unha irresponsable reforestación, pon de manifesto o abandono no que se atopan as nosas xoias megalíticas. E iso que falamos, segundo voces expertas, da zona con maior riqueza patrimonial en materia megalítica de Galicia.

Parece que para as administracións, a palabra retraso está moi unida á Costa da Morte, e exemplos de feridas aínda moi abertas como a autovía ou a Casa da Cultura de Cee demostran o seu desleixo.

Leva a Costa da Morte esperando o Parque do Megalitismo dende o 2001. Xa en 2005, cando en teoría debería ser unha realidade, a Xunta déranos unha labazada cun retraso de 7 anos, todo unido aos 20 anos que pasou con boina o meirande tesouro, o Dolmen de Dombate.

Seguríronse dando pasos, pero moi paseniñamente. No 2008 a Xunta declaraba Bens de Interese Cultural os 14 megalitos que supostamente ían formar parte do Parque. Ese mesmo aprobouse a Declaración de Impacto Ambiental pero non foi ata 2011 cando se aprobaba un orzamento de 4 millóns de euros para arrincar as obras en 2012 e rematalas en 2016. Onde foron ese 4 millóns?

Mentres, poderemos seguir facendo a pequena Excursión pola Ruta das Antas da Costa da Morte, pero esperemos que as Pedra da Arca ou Casa dos Mouros (Baíñas, Vimianzo); Pedra Moura de Monte Carneo (Treos, Vimianzo); Pedra Cuberta (Treos, Vimianzo); Mina de Recesinde (Carantoña, Vimianzo); Arquiña de Vilaseco (Castrelo, Vimianzo); Casota de Berdoias (Berdoias, Vimianzo); Rabós (Necrópole de Chan do Cabral) (Baíñas, Vimianzo); Arca da Piosa (Muíño, Zas); Pedra Vixía (Lamas, Zas); Fornela dos Mouros (Nande, Laxe); A Mina da Parxubeira (Eirón, Mazaricos); Pedra da Arca (Cerqueda, Malpica) e a Pedra Moura (Aldemunde, Carballo) non sufran máis.

Máis información

• Finisterra: Parque do Megalitismo.
• Culturagalega: Dossier. Parque do Megalitismo.

Novas relacionadas

• 26-10-11: Pasiño a pasiño co Parque do Megalitismo.
• 13-07-08: Un paso máis cara a aprobación final do Parque Arqueolóxico do Megalitismo da Costa da Morte.
• 11-08-08: 14 megalitos da Costa da Morte serán denominados Bens de Interese Cultural .

Novas relacionadas

• Vimianzo pide a conservación e sinalización da Arquiña de Vilaseco.
• Unha reforestación con eucaliptos dana a mámoa da Arquiña de Vilaseco.
• Dombate: Un museo sen guía.
• Dombáter: Unha crítica a actuación no dolmen cabanés.
• Excursión pola Ruta das Antas da Costa da Morte.
• Vinte anos con boina.
• O SEMESCOM sumérxese na rede e dixitaliza as súas obras.

Fonte

• Redacción de QPC ([email protected]).