Xoves. 09.07.2020
El tiempo

Portos inaugura unha nova pasarela no porto pero non soluciona os problemas coa area

Portos inaugura unha nova pasarela no porto pero non soluciona os problemas coa area
Portos de Galicia vén de rematar a obra dunha pasarela de acceso no porto de Laxe. Pasarela que facilitará o acceso ao pantalán do Club Náutico de Laxe e as embarcacións da sétima lista. Esta dotación, na que a entidade investiu 60.000€, permite salvar a zona rochosa do borde marítimo e acceder con comodidade á flota náutico recreativa. Ademais presidente do ente público, José Manuel Álvarez-Campana, mantivo esta mañá un encontro coa confraría para escoitar as súas necesidades. E como non, dende o pósito fixéronlle chegar os problemas coa acumulación e movemento de areas, ao que respondeu "explicitando os límites territoriais das competencias de cada administración nesta zona".

O BNG laxense quere tratar o problema

E precisamente nesa liña quere manter o BNG laxense unha reunión co presidente de Portos de Galicia. Unha reunión na que se intente atallar definitivamente o proxecto, cambiando os "cruces de declaracións e visitas para botar balóns fóra" por "propostas serias de actuación e compromisos reais". Deste xeito, o BNG quere manifestar a súa "disconformidade pola forma na que se está a abordar este problema tanto por parte do PP como do PSOE, que se dedican día si e día tamén a cruzarse acusacións mutuas". Así, ademais da reunión solicitada con Portos, ao propio tempo, nos vindeiros días farán unha petición semellante diante do departamento competente do goberno central.

Novas relacionadas

Fonte

  • Notas de prensa de portos de Galicia e do BNG de Laxe.
  • Foto antoga de Gloria Gil Varela para o Grupo de Facebook de Laxe.

comentarios