Onte aparecía varada preto do porto de Laxe unha gran tartaruga. Era un veciño da vila o que a achegaba ao porto na súa chalana e avisaba á Coordinadora de Estudo de Mamíferos Mariños (CEMMA).

Esta mañá, era o propio Alfredo López (CEMMA), o que vila ao porto laxense para analizar o corpo desta Tartaruga de Coiro (Dermochelys corinacea

, unha femia, de 194 cm e máis de 400 kg de peso. “Non sabemos a causa da morte, porque o animal estaba bastante deteriorado, pero puidera ter enmallado nalgún aparello, porque tiña feridas no lombo, que poderían ser compatibles cun atrapamento”.

 

Explica que “estes animais proceden das augas do caribe onde teñen as ssúas zonas de cría, viven ao longo do océano, coa corrente do golfo, en ocasións pasan por fronte ás nosas costas, e poden chegar a ser observadas ou atrapadas en aparello”.

Visita a Malpica

O CEMMA aproveitou a chegada á comarca para visitar o porto de Malpica, onde foi localizado morto o exemplar de cachalote pequeno que soltaron o xoves pasado no porto de Malpica. O pasado xoves aparecía varado xunto ao corpo sen vida da súa nai na praia de Seiruga, e os efectivos das brigadas municipais de Malpica, asesorados polo CEMMA, traslasdaban o xuvenil (un macho xuvenil de 1,55 metros) ao porto de Malpica onde foi liberado. Pero veñen de atopar o seu corpo, corroborando que falecía ese mesmo xoves, pois non sobreviviría sen a súa nai.

Novas relacionadas

• Outubro 2020: Golfiños gravados dende o mar.
• Outubro 2020: Non foron as candorcas.
• 25-09-2020: Nemiña rexistra o terceiro varamento dun marraxo en 30 anos nas costas galegas.
• 24-09-2020: As incomprendidas e inofensivas candorcas.
• Setembro 2020: Unha visita moi cariñosa de Manoliño, o golfiño solitario da ría de Muros.
• Setembro 2020:  Rescatan un golfiño que quedara enganchado nunha cinta plástica en Fisterra
• Xuño 2020: Avistan o arroaz solitario pola ría de Muros e unha balea alibranca por Fisterra.
• Agosto 2020: Unha balea boreal polo mar da fin da terra
• Agosto 2019: As baleas volven por Fisterra.
• Xullo 2019: Unha viaxe polo mar de Fisterra con golfiños, candorcas, baleas alibrancas e tiburóns peregrinos.