Xoves. 20.01.2022
El tiempo

Avanza a creación dun novo Centro de Saúde en Malpica

Comesaña e Parga
O conselleiro de Sanidade, Julio García Comesaña, vén de reunirse este mércores co alcalde de Malpica de Bergantiños, Eduardo Parga.
Avanza a creación dun novo Centro de Saúde en Malpica

A Xunta e Concello de Malpica veñen de dar o primeiro paso para o proxecto de construción dun novo centro de saúde. A Xunta e o Concello avaliaron a proposta de parcela achegada polo propio Concello, e que pode cumprir coas necesidades requiridas polo Sergas.

A Xunta, na Fase 2 do Plan de Infraestruturas Sanitarias de Atención Primaria, priorizou a construción dun novo centro de saúde en Malpica tendo en conta que o actual, de 26 anos de antigüidade e de titularidade municipal, ten carencia de espazos para a actividade asistencial necesaria e conta con importantes deficiencias tanto estruturais como no estado de mantemento.

A proposta será un novo centro de case 1.000 metros cadrados de superficie, con 3 consultas para adultos e unha de pediatría, e novos espazos para os profesionais como un despacho de coordinación, unha sala de estar ou vestiarios que non son posibles no actual inmoble polas súas carencias de superficie.

Novas relacionadas

A Xunta aproveita para lembrar que o Plan incluirá a reforma e modernización do Centro de Saúde de Carballo nun Centro Integral de Saúde, así como a mellora do Centro de Saúde de Vimianzo.

comentarios