Mércores. 14.04.2021
El tiempo

López Cao desenvolve en Buño un pioneiro sistema para substituír ao ladrillo

Planta de Buno de Lopez Cao
Casa piloto instalada na planta de prefabricados de López Cao en Buño
López Cao desenvolve en Buño un pioneiro sistema para substituír ao ladrillo

Esperazador exemplo de innovación o que contamos hoxe con raíz en Buño. A planta de prefabricados que a empresa Construcciones López Cao ten dende 2018 en Buño (na antiga fábrica de Forjados El Progreso) é o foco da creación dun material de construción que pode servir para substituír o ladrillo na construción. Aí é nada.
De feito, na planta malpicá están construíndo unha casa a escala, que serve de laboratorio para ir conseguindo as melloras necesarias para que este novo material para facer tabiquería de formigón lixeiro chegue a revolucionar o mercado.

”Non digo que sexa unha revolución, pero si se trata de atopar produtos que substitúen os problemas”, explica Francisco Saavedra, que nos debulla como naceu o proxecto de creación do “Pret-a-bico”. “Nós temos nada en contra do ladrillo, pero nós coñecemos ben as carencias do mercado porque as sufrimos todos os días, e atopamos un problema coa man de obra. Falta relevo xeracional na albañilería, xa non hai rapaces que veñan a traer o cv para ir aprendendo o oficio, o que provoca un encarecimento da man de obra. E o ladrillo é complicado de instalar, e os paneis de formigón son moi pesados, requiren grúa…”

Co novo material, “dedicámoslle máis tempo á preparación e axilizamos o traballo de transporte e en obra, permitindo, por exemplo que non haia que facer rozas en obras no proceso de acabado”, detalla. Ademáis, aproveitando que na planta fan paneles de formigón para naves, “queríamos darlle unha volta e pensar en como facilitar a obra en vivendas”.

O sistema de tabiquería prefabricada lixeira de alto rendemento Pret a Bico
O sistema de tabiquería prefabricada lixeira de alto rendemento Pret a Bico deixa perfectos acabados

Coa idea na cabeza, uniron forzas cun estudio de arquitectura (Naves 04 Arquitectos) e un laboratorio (Galaicontrol) e presentáronse en 2018 ao programa Conecta Peme 2018. E saíu adiante, e esta semana se presentaba entre un dos 3 proxectos desenvolvidos no marco do programa nunha xornada na Escola Técnica Superior de Enxeñeiros de Camiños, Canles e Portos da Coruña patrocinada pola Asociación Galega de Empresas de Ingeniería, Consultoría e Servizos Tecnolóxicos (AGEINCO), contando cun 50% de subvención de fondos Feder a través da Axencia Galega de Innovación (GAIN).

”Os resultados están sendo bos. Estamos vendo que funciona. De feito, xa hai un edificio, edificio Nexus en Sabón, na parcela onde estaba a Schweppes, que ten toda a folla interior deste material”, explica Saavedra, satisfeito de que “non se trata dun produto de I+D dos que tardan séculos en saír ao mercado; este xa está en marcha en funcionamento e nos dá moita axilidade en obra”.

Neste vídeo explican o desenvolvendo do sistema de tabiquería prefabricado de alto rendemento:

comentarios