Maite Rojo completa o desafío do Ultra Trail Camiño dos Faros cunha demostración de afouteza
Así chegaba Maite Rojo no Faro Fisterra esta tarde de xoves 24 de ahosto, despois da súa saída 38 horas e 45 minutos antes dende o porto de Malpica. A malpicá vén de completar o Ultra Trail do Camiño dos Faros, co único obxectivo de visibilizar este tesouro turístico que non acaba de ser homologado polos atrancamentos burocráticos.
A deportista supera os 203km do Camiño dos Faros sen sponsor, sen soporte oficial e só coa axuda dunha pequena lexión de amigos, familiares e incondicionais. Aí estiveron dende o seu irmán Diego Rojo, pasando polos Santi Romay, Quito, Felipe Santos, Dani de Oza, Ángel, Jajo, Daniel, Jean Philippe, Mateo, Joana, Marina, Beti, Jorge, Eloy, entre outros, empurrando ata a meta.
Tirando de emoción, sacou forzas do corazón, para emular as súas xestas no Spartatlón, a Ultr'Ardeche, a ultrafondo de Barcelona, a Sri Chinmoy de Nova Zelandia. Os numeros demostran o seu poderío físico, pois aqueles 7 heroes de 2014 completaran a xesta en 47 horas, 9 máis que Maite…
Incrible a demostración de afouteza desta incrible muller.
