Mércores. 11.12.2019
El tiempo

Malpica e Mazaricos toman novas medidas contra a velutina

Malpica e Mazaricos toman novas medidas contra a velutina
Trampeo a velutina en rododendros de Malpica Trampeo a velutina en rododendros de Malpica

Teñen que ser os concellos, ante a parálise da Xunta, os que toman medidas contra a avespa asiática Desta volta paramos por Malpica e Mazaricos.

Trampeo en Malpica

Continúa en marcha, dende hai un mes, a campaña de trampeo da avespa velutina do Concello de Malpica e a Agrupación de Voluntarios de Protección Civil. Unha campaña que está a dar froitos, e os primeiros datos de capturas de raíñas empezaron a chegar esta semana á Casa do Concello, despois de ter repartido máis de 100 trampas entre os veciños da zona.

A campaña dá un paso máis, e Protección Civil comezou a colocar trampas en zonas axardinadas, nas que abundan as árbores que exercen maior atracción sobre as avespas asiáticas, como camelias ou rododendros; pero tamén nas proximidades de edificios e espazos públicos frecuentados por nenos e nenas.

Charla en Mazaricos

O Concello de Mazaricos organiza unha xornada informativa, non só para os seus veciños, se on tamén para os concellos da comarca, sobre a praga da avespa asiática. A cita o xoves ás 20:00 na Casa da Cultura de Mazaricos.

A charla gravarase e se emitirá no Facebook do Concello de Mazaricos.

Novas relacionadas

Fonte

Comentarios