Malpica lanza a nova programación de actividades culturais para o curso
- O Concello abonou ás Asociacións Culturais as axudas por un montante de 18.412€ e xa traballa nas de 2022
O Concello de Malpica, a través da Concellería de Cultura a cargo da concelleira Noelia Freijeiro, lanza unha ampla programación de actividades culturais para o curso 2022/2023 que inclúe un total de catro cursos: animación teatral, arte, obradoiro de barro e obradoiro de coiro.
A animación teatral e arte levarase a cabo dende outubro a maio. O obradoiro de barro desenrolarase de outubro a decembro e o obradoiro de coiro de xaneiro a marzo.
As actividades son en horario de tarde e impartiranse tanto en Malpica coma en Buño (agás o obradoiro de barro que só terá lugar en Buño).
As prazas deben solicitarse no Departamento de Cultura de Malpica ou chamando ao 981 707 104, en horario de 10.00 a 13.00 horas, ou en www.concellomalpica.com.
Axudas
O Concello lembra que xa executou as axudas das Asociacións culturais e sociais:
| Asociación Cultural Malante | 3.520,00 €. |
| Asociación Cultural e Deportiva Carcaxía | 3.480,00 €. |
| Asociación Cultural Raigañas | 2.692,50 €. |
| Asociación de Veciños de A Pedrosa, Brión e a Raxeira | 2.600,00 €. |
| Federación de Asociacións de Redeiras Artesáns O Peirao | 2.040,00 €. |
| Asociación de Redeiras Profesionais O Fietal | 1.440,00 €. |
| Asociación de Amas de Casa de Malpica | 1.440,00 €. |
| Asociación Cultural e Deportiva Salitre | 1.200,00 €. |
A Concellería de Educación, Cultura, Patrimonio e Deportes, xa está ultimando a convocatoria das axudas para o ano 2022 que estarán dotadas dun orzamento de 20.000,00 €.
