Un radar, primeira medida da Xunta para revisar a seguridade do porto

Vai case un ano dende o tráxico falecemento de tres persoas no porto de Malpica. E máis de 2 meses dende que a familia fixese entrega no Rexistro da Xunta de 10.000 sinaturas, esixindo medidas para mellorar a seguridade do porto malpicán. Mentres o proxecto se demora, os barcos seguen entrando a porto derrapando, xogándose a vida.

Onte, na Comisión 8ª do Parlamento Galego, a presidenta de Portos de Galicia, Susana Lenguas, explicou hoxe no Parlamento que o seu departamento vai instalar un radar no porto de Malpica que permita a medición real dos niveis de sobreelevación das ondas longas liberadas polos temporais e axude a valorar a axitación real do peirao para identificar os períodos nos que as ondas resultan resoantes e a súa amplitude.
Este novo dispositivo e os estudos que están a facer os técnicos de Portos de Galicia servirán para definir o proxecto definitivo para dar unha solución definitiva ao peirao de Malpica. .

A maiores da instalación do radar, a través de Meteogalicia inclúese no proxecto MarRisk un estudo para a análise das ondas longas do porto malpicán co obxectivo de diagnosticar a probabilidade de que se produzan e provoquen resonancia na dársena interior cunha antelación de 72 horas.

NOVAS RELACIONADAS

• Xullo 19: A familia do mariñeiro falecido en Malpica entrega 10.000 sinaturas para que Portos acometa obras de seguridade no peirao.
• Xullo 17: Walter Pardo e Leiceaga piden á Xunta a a execución das obras de mellora de seguridade no porto de Malpica.
• Febreiro 19: Aprobada no Parlamento unha iniciativa para eliminar o risco na entrada do porto de Malpica.
• 31-01-19: A oposición ao completo obriga no Parlamento á Xunta a tomar medidas para o porto de Malpica.
• A seguridade no porto de Malpica volve ao Parlamento.
• A familia malpicá do falecido no mar pide solucións para o porto.
• Decembro 18: Conmoción en Galicia polos dous naufraxios da Costa da Morte.