Ata Malpica desprazáronse este luns varios membros do equipo da Coordinadora para o Estudo dos Mamíferos Mariños (CEMMA), trala localización, coa primeira luz do día, dun golfiño varado no areal. Protección Civil e da Policía local de Malpica, especialmente Rubén, fixeron todo o posible por reintroduclo á auga, pero foi imposible facer algo para salvarlle a vida.

Finou, pero serviu para que o CEMMA collesen mostras biolóxicas para a Rede de Varamentos de Galicia (que aporta valiosa información sobre o seu estado de saúde), e así mesmo serviu de actividade formativa para novos equipos. Andrés, do Grupo Naturalista Hábitat, xunto coas estudantes de Erasmus+ Irene Alterini e Federica Cottini, así como Xosé Manuel Menéndez e Eva Cameán, da Asociación Ambiental Senda Nova, participaron na sesión formativa improvisada.

Novas relacionadas

• Agosto 19: As baleas volven por Fisterra.
• Agosto 19: Unha viaxe polo mar de Fisterra con golfiños, candorcas, baleas alibrancas e tiburóns peregrinos.
• Xullo 18: Percebeiros de Corme intentan en balde salvar un caldeirón común varado no Roncudo.
• Xuño 18: Surfistas, membros do GES e do CEMMA liberan un golfiño que quedara varado na praia de Louro.
• Marzo 18: O 60% dos varamentos de cetáceos débense a diferentes artes de pesca.