Se hai un colectivo pioneiro en unidade, ese é o das redeiras. Pero o relevo xeracional está complicado, verdadeiramente. Por iso, a A Federación Galega de Redeiras Artesás O Peirao comeza o vindeiro sábado, 23 de setembro, una rolda de tres mesas de portos baixo o nome Enrólate coas redeiras, que levará a experiencia asociativa das redeiras a colectivos profesionais de Carballo, Sada e Portosín e Porto do Son.

Unha iniciativa tenta sumar novas asociadas e loitar contra a falta de relevo xeracional, entre outros obxectivos. O colectivo de desempregad@s pode ser un dos focos de atención das redeiras, que xa teñen en marcha un curso de formación na profesión, e que teñen constatado a curiosidade que esperta esta actividade entre mulleres desempregadas que buscan unha alternativa e un modo de contribuír ás rendas familiares.

Neste sentido, era necesario un labor divulgativo sobre a actividade profesional das edeiras naqueles contornos susceptibles de que haxa interesados/as en formarse en acadar a titulación para poder desenvolver a actividade de redeira.

Así, o sábado 23 de setembro, membros da directiva de O Peirao desprazaranse ao espazo Forum de Carballo onde explicarán as finalidades desta entidade así como a importancia da fórmula asociativa para acadar obxectivos comúns.

Esta iniciativa conta co apoio da Consellería do Mar, concretamente co da Dirección Xeral de Desenvolvemento Pesqueiro.

Novas sobre as redeiras

• “En Galicia, as mulleres do mar somos pioneiras en unirnos”.
• 17 persoas aprenden a profesión de redeira en Malpica.
• Malpica acolle un novo curso profesional para as redeiras.
• As redeiras, pioneiras en materia de prevención.
• Calafateando: Redeiras, invisibles pero imprescindibles.
• Maio 2017: As Redeiras de Corme, artistas en Cee.
• Abril 2017: As Redeiras do Peirao entregan a Medalla de Ouro ao Mérito no Traballo ao Museo do Pobo Galego.
• Outubro 2016: Un aseo, unha necesidade básica cuberta para as redeiras de Malpica.
• Abril 2016: As redeiras de Corme e Malpica especialízanse no interiorismo.
• Novembro 2016: As redeiras de Malpica xa tecen na rede.

Fonte

• Redacción de QPC (info@quepasanacosta.com).