Candieira organiza en Cabana un taller de xeración de ideas
08:15 12/09/17
A Escola de Vela de Cabana de Bergantiños acolle o mañá, día 13 de setembro, o primeiro taller de xeración de ideas, dirixido a mulleres das zonas costeiras que queiran levar a cabo iniciativas económicas ou asociativas relacionadas co mundo do mar. Esta primeira sesión de traballo realizarase tamén en Baiona.
Estes obradoiros son de balde e concíbense dun xeito práctico, posto que están encamiñados á xeración de ideas innovadoras desde o intercambio de saberes e a unión de sinerxías. O equipo técnico que os dirixe propiciará o achegamento de ideas e iniciativas, tanto económicas como asociativas. Posteriormente, algunhas destas ideas contarán co apoio e o asesoramento de persoas expertas para poñelas en marcha.
As sesións reunirán a persoas de diferentes ámbitos dispostas a facer que prenda a candea da creatividade e da innovación. Presentaranse algunhas iniciativas levadas adiante, que poden ser inspiradoras, pero sobre todo faranse dinámicas de creatividade grupal, que servirán para o coñecemento entre as persoas participantes, o intercambio de saberes e experiencias e o xurdimento de novas iniciativas.
Ao longo de todo o mes de setembro, o proxecto de cooperación Candieira organiza seis talleres deste tipo en distintos puntos da comunicade. Os GALP Golfo Ártabro Norte, Costa da Morte, Seo de Fisterra Ría de Muros-Noia Costa Sostible, Ría de Arousa, Ría de Pontevedra e Ría de Vigo-A Guarda forman parte do proxecto Candieira que integra así a 56 municipios costeiros.
Novas relacionadas
- Bota a andar o proxecto Candieira, un proxecto en clave de muller, mar e rede
- Bota a andar Candieira, unha rede de apoio e promoción das mulleres do mar.
- As redeiras, pioneiras en materia de prevención.
- Calafateando: Redeiras, invisibles pero imprescindibles.
- Maio 2017: As Redeiras de Corme, artistas en Cee.
- Abril 2017: As Redeiras do Peirao entregan a Medalla de Ouro ao Mérito no Traballo ao Museo do Pobo Galego.
- Un proxecto do Galp Costa da Morte potenciará o turismo industrial
- Do GAC ao GALP pero mantendo a disección da Costa da Morte
- Redacción QPC ([email protected])
- Galp Costa da Morte