As achegas oscilan entre os 5500 e os 6500 euros Catro concellos da bisbarra - Mazaricos, Santa Comba, Vimianzo e Zas - recibirán un total de 24000 da Deputación da Coruña destinados a financiar a contratación de socorristas nas piscinas municipais de cara a vindeira época estival. En total, o ente provincial destina 237.407,35 euros repartidos entre 43 concellos da provincia coruñesa que contan con menos de 50.000 habitantes. O Boletín Oficial da Provincia - BOP - publicou o importe concedido a cada un dos municipios solicitantes, con achegas económicas que oscilan entre os 4000 e os 6500 euros por concello, e que se destinarán á contratación de socorristas durante a tempada estival por un periodo máximo de tres meses. Os criterios de baremación deste programa foron a superficie total das piscinas municipais - ata 70 puntos - e a poboación do concello - ata 30 puntos -. Subvencións provisionais concecidadas:

• Mazaricos: 5500€
• Santa Comba: 6000€
• Vimianzo: 6000€
• Zas: 6500€

Novas relacionadas

• Seis socorristas vixilarán a praia de Area Maior de Malpica

Fonte

• Redacción QPC ([email protected])
• Deputación