O novo impulso eólico propón, só na Costa da Morte, 39 novos proxectos eólicos. Un impulso ao que poucos concellos poñen traballas, como si fai o de Mazaricos, que conseguiu paralizar o PE A Ruña II.

De aí que a voceira nacional do BNG, Ana Pontón, escollese a MZ para denunciar “a febre eólica co amparo do PP” cunha “avalancha brutal” de proxectos e facer ver a “gran contestación social a proxectos que buscan o espolio dos recursos en beneficio das eléctricas”.

O BNG propón aplicar medidas como “o canón eólico en función da potencia instalada, maior participación dos concellos e total transparencia para xs propietarixs”.

Enerxía pública

Entre esas propostas, considera que sería moi positivo “declarar ben público a enerxía como sector prioritario da economía, crear unha empresa pública de enerxía, que garanta un retorno dos beneficios para os galegas e os galegos”, e “establecer como obrigatorio para desenvolver proxectos eólicos contratar a construción e subministro de compoñentes con empresas radicadas en Galiza”. E desde logo, “repercutir a riqueza eléctrica de Galiza nas familias e nas empresas abaratando a factura da luz cunha tarifa eléctrica galega”.

Novas sobre eólicos

• 8 colectivos constitúen a Coordinadora Bergantiñá pola Defensa da Terra contra a “pandemia eólica”.
• “O ritmo acelerado da Xunta na implantación de eólicos é proporcional á degradación que sofren os chans”.
• O novo impulso eólico propón 39 novos proxectos na Costa da Morte.
• Febreiro 2021: Mazaricos consegue paralizar cautelarmente a tramitación do Parque Eólico A Ruña 2.
• Xullo 2019: Mazaricos páralle os pés aos eólicos.