O concello de Mazaricos vén de convocar axudas destinadas ao apoio económico ás familias numerosas no exercicio 2016. Esta medida pretende, por un lado, apoiar a aquelas familias numerosas que presentan unha maior necesidade e, por outro, fixar poboación. Segundo se informa no Boletín Oficial da Provincia de onte, a unidade destinataria das axudas deberá reunir a condición de familia numerosa dentro do exercicio 2016. En canto ás contías, establécese que o o importe destinado a esta convocatoria ascende a 3000€. O importe individual das achegas concedidas ao abeiro desta convocatoria será de 300€ por unidade de convivencia. O prazo de presentación de solicitudes remata o 19 de xuño de 2016. Destinatarios Segundo establece o concello de Mazaricos, poderán optar a estas subvencións as familias que teñan fixadas a súa residencia habitual no municipio mazaricán, cun mínimo dun ano de antigüidade. Os beneficiarios destas axudas deberán cumprir ademais unha serie de requisitos, tales como ter en vigor o título de familia numerosa no momento da soliticide da axuda; todos os fillos e fillas incluídos dentro do título formarán parte da unidade de convivencia; nos supostos casos de separación ou divorcio o beneficiario da prestación será o proxenitos que teña a custodia; entre outros. Os interesados poderán solicitar máis información e tramitación de solicitudes no departamento de Servizos Sociais do concello de Mazaricos. Fonte

• Redacción QPC ([email protected]).
• Concello Mazaricos