Non puido ser. Ese festivalón que ía colocar a Costa da Morte no panorama electrónico europeo, con case 40 horas de música facendo que Mazaricos cambie, tivo que suspenderse a só 2 días do seu comezo.

A organización da man de Zero Management Events, despois duns días de incertidume, acaban de enviar un comunicado anunciando a cancelación de todo o festival.

Entre as causas pode estar a falta de apoio do Concello de Mazaricos, que desta volta intentou axudar en todo o posible á organización- O Concello sacaba esta semana un comunicado oficial informando de que “esta administración non forma parte da organización deste festival” e mesmo pedindo a retirada do logo do cartel despois de non ter recibido apenas información da organización.

Comunicado oficial tiña que sacar tamén a organización do FF, ante os rumores que corrían pola rede, recoñecendo que a venda de abonos anticipados non foi tan boa como esperaban e que pasaron días de incertidume económica. E malia que esta primeiriza organización non quería deixar a festa a medias, finalmente tiveron que optar pola cancelación total.

"A imposibilidade de obtención dos permisos necesarios para o desenvolvemento do festival" foi a causa final da cancelación, como explican neste comunicado no que ademais contan como vai ser o plan de devolución das entradas:

Máis información

• Axenda Sonora da Costa da Morte.
• Fermaz Festival no Facebook.

Novas relacionadas

• Fermaz Festival: É hora de que Mazaricos cambie.
• 40 horas de música electrónica no Fermaz Festival de Mazaricos.
• Mazaricos porase no panorama electrónico europeo co Fermaz Festival.

Festivais pendentes

• O Xiria Pop pechará un verán de grandes festivais en clave de psicodelia.

Festivais vividos da Axenda Sonora

• Un gran Festival VdeValarés pon Ponteceso no panorama indie internacional.
• A Carballeira de Zas berrou o seu Eiihhh!.Los Enemigos volveron encher de míticos o Nordestazo Rock de Malpica.

Fonte

• Redacción de QPC ([email protected]).