Unha ducia de ganderías participan na Poxa de Xovencas de Santa Comba
07:19 07/03/14
Este sábado 8 de marzo, a partir das 15:00, o recinto feiral de Santa Comba acolle unha nova XVI Poxa de Xovencas da Raza Frisona que organiza Africor Coruña. Participan unha ducia de ganderías da zona con máis dunha vintena de exemplares e tanto os gandeiros inscritos coma o público entrarán no sorteo dunha xata.
O gando estará exposto dende o sábado pola mañá e, ademais, ás 11.30 horas haberá unha charla no multiusos da localidade sobre as axudas da nova PAC, a cargo da directora xeral de Produción Agropecuaria, Patricia Ulloa.
E estaremos atentos á actualidade xalleira, pois o vindeiro xoves preséntase a canalización do gas natural, a fin de semana do 21, 22 e 23 tocará Feira de Primavera, e o 29 hai Festa dos Maiores e Autocross.
Novas relacionadas
Fonte
- Concello de Santa Comba.
