Nova positiva para o Concello de Muros, que vén de recibir, hoxe mesmo, o recoñecemento Bandeira Verde-Municipio Responsable, unha distinción que premia o seu traballo en favor do medio.
Este galardón concédeo a Federación de Usuarios e Consumidores Independentes (Fuci), entre os concellos de toda España que destacan por desenvolver políticas respectuosas co medio.

A bandeira foi recollida en Madrid por Caridade González, Alcaldesa de Muros, de mans do Ministro de Medio Ambiente, Arias Cañete en presenza da Ministra de Sanidade, Ana Mato.

En Galicia, ademais do concello muradán tamén reciben a bandeira outros 9 concellos: Barco de Valdeorras, Ordes, Miño, Poio, Ribadeo, Viveiro, Boiro, Burela e Caldas de Reis.

Novas relacionadas

• 9 praias da Costa da Morte lucirán este verán a Bandeira Azul.

Fonte

• Información e imaxe de Quin Muros.