Mércores. 22.09.2021
El tiempo

O Cine París volve coller forma como Centro Sociocultural

Visita a rehabilitacion do Cine Paris en Muros
Visita á rehabilitación do Cine Paris en Muros
O Cine París volve coller forma como Centro Sociocultural

Este pasado luns, unha comitiva provincial comandada por Valentín González Formoso visitaba Muros, para revisar as demandadísimas obras no Cine París. Acompañado pola alcaldesa, a popular Inés Monteagudo, coa voceira do PSOE local Caridad González, o deputado Blas García e a deputada Sandra González, conseguiu meterse no corazón do edificio, algo que non era posible dende hai anos.

MUROS_CINE_PARIS_OBRAS

As obras, que convertirán o emblemático edición nun centro sociocultural avanzan a bo ritmo. Esta é a primeira fase, sufragada con 266.000€ do Plan Único da Deputación, e inclúen a renovación da cuberta e o acondicionamento da fachada. A posta en marcha do centro aínda non ten prazos.

Inés Monteagudo quixo "agradecer a visita do presidente e os investimentos da Deputación en Muros, que son imprescindibles" e recalcou que "a obra do Cine París era moi agardada porque a situación do edificio era dramática, pasou de ser unha actuación estética a ser de seguridade xa que corría risco de derrubamento. Agora dá gusto velo e cambiou a sensación dos comercios e establecementos desta zona”.

Durante a visita, o presidente da Deputación aproveitou para recordar que 146 empresas muradás solicitaron as axudas do PEL-Reactiva, e os 17.000 de axudas directas á Confraría de Pescadores, onde tamén estivo da man do patrón maior, Daniel Formoso Moledo.

MUROS_CONFRACIA_PERCADORES_1 copia

comentarios