O 29 de abril celébrase en Muros o día internacional da danza cun espectáculo de danza para público familiar. A cita será o sábado 22, ás 18:00h no Auditorio do Centro Cultural de Muros.

“Nina Ninette” é un espectáculo de danza contemporánea para público infantil e familiar da compañía Paula Quintas, interpretado por Marta Alonso, Paula Quintas e Carlota Mosquera; enmarcado na estética do Ballet Triádico de Oskar Schlemmer (Bauhaus, 1922), para danzar unha historia de beleza e rebeldía, onde a figura dunha Cincenta actual, (Nina), representa a nena oprimida que loita para transformar a súa realidade, familiar, escolar, ... converténdose nunha heroína por méritos propios.

A función está incluída na Rede Galega de Teatros e Auditorios da AGADIC. As entradas, con un prezo de 3,50 €, deben de ser reservadas nas oficinas do centro cultural, no teléfono 981762294, no correo [email protected] ou no formulario creado para este fin.