Este pasado xoves 23 de decembro decidiuse no Salón de Plenos do Concello de Muxía, o vencedor do II Concurso da Tapa Muxiá. Un vencedor que se elixiu polos votos dos veciños e visitantes que fixeron o percorrido e votaron os pinchos dos 9 establecimentos participantes. Hai que resaltar que este ano supón unha consolidación do concurso xa que votou máis xente que o ano pasado e non houbo ningunha papeleta nula, é decir, tódolos participantes fixeron o percorrido obrigatorio pasando un por un, por todos os bares. O gañador foi un ano máis o Bar Xardín. Se o ano pasado o facía cunha "crepe rechea", esta vez co fixo co pincho “Para Mariñeiros Nós”, nunha auténtica homenaxe á serie que protagonizan os Manolo de Laxe e Suso Lista, e que tras un periplo pola rede andan xa cada noite na VozTelevisión. O pincho foi creación da cociñeira do establecemento, Noelia Lema. En segundo lugar quedou o Restaurante O Coral por tan só un voto de diferencia, coa tapa “ Cazador”. Na votación destacou tamén o restaurante El Riojano que quedou en terceiro lugar. Ademais, tamén tivo lugar o sorteo da cea para dúas persoas no establecemento gañador. A papeleta agraciada foi a de Roberto Piñeiro Parada.

Continúa o Programa de Nadal e a Mostra 4 Miradas

Iso si, se esta fin de semana pasan por Muxía non deixen de visitar a Mostra 4 Miradas. Unha mostra da visión de 4 artistas (Lorena Lappe, Fátima Fortea, Susana P. Llorente e a muxiá Viki Rivadulla) sobre Rosalía de Castro. E estean atentos ao Programa de Nadal, que inclúe actividades toda a semana.

Novas relacionadas

• 4 mulleres artistas amosan a cara máis emotiva de Rosalía de Castro en Muxía.
• Un Nadal exquisito en Muxía.
• I Concurso da Tapa Muxía: Xa corren as tapas por Muxía.

Fonte

• Redacción de QPC ([email protected]).
• Concello de Muxía.
• Fotografía de