Novo programa do Centro de Información á Muller do Concello de Muxía. Desta volta, trátase dun itinerario formativo on-line de alfabetización dixital para mulleres estranxeiras denominado “Hola Fabiola”.

O venres, 26 de setembro de 2014, ás 10.00 horas iniciarase o curso de alfabetización dixital para mulleres extranxeiras que nace do convenio de colaboración entre a Fundación Orange, Fundación directa e o Concello de Muxía, co financiamento do Ministerio de Sanidade, Servizos sociais e Igualdade.

O itinerario non só pretende transmitir coñecementos “informáticos”, senon que o manexo das ferramentas sirva indirectamente para que as mulleres poidan:

• Coñecer novas canles para a comunicación co seu contorno próximo e comunidades de orixe.
• Descubrir vías inéditas de integración.
• Tomar conciencia sobre os seus dereitos en materia de igualdade.
• Aprender un pouco máis acerca da cultura española.
• Adquirir capacidades que contribúan ao seu empoderamento individual e colectivo.

“Hola Fabiola” desenvolverase do 26 de setembro ao 12 de decembro, en horario de 10.00 a 12.00 horas no Edificio de Servizos Múltiples.

Novas relacionadas

• Muxía aprende a manexar as Novas Tecnoloxías en Igualdade.
• A rede une ás familias de Muxía.

Fonte

• Redacción de QPC ([email protected]).