No medio da voráxine política, non queremos que pase desapercibida a programación cultural que vén de propoñer o Concello de Muxía para este outono. Do 12 de outubro ao 30 de novembro o auditorio do Edificio de Servizos Múltiples volverá cobrar vida con programa Cultura Outonal, na que se achegarán a Muxía algunhas das mellores compañías do país, como a costeira Talía Teatro, ou as Malasobra, Amorodio Teatro.

Tamén haberá propostas singulares como a visita da youtubeira Leti da Taberna que nos fará reir a todas, o magosto coas Abaladeiras ou a proxección do documental Bravú XXX, coa presenza de Xurxo Souto.