Xoves. 28.03.2024
El tiempo

A hostalería de Muxía une forzas para manterse como zona libre de covid

  • Quedaron suspendidos todos os actos relixiosos e festivos da Romaría da Virxe da Barca
ReuniónHostalaría
Reunión da Hostalaría co goberno muxián
A hostalería de Muxía une forzas para manterse como zona libre de covid

Este pasado venres a hostalería de Muxía reuníase co goberno municipal para afianzar a recta final da temporada de verán e conseguir manterse como zona #covidfree. A necesidade de reivindicarse como destino seguro, neste singular verán é fundamental, pero tamén o é dar un servizo de calidade e con extremas medidas de seguridade.

Por iso quixeron facer fincapé na necesidade de realizar labores continuas de desinfección periódica das terrazas (para o que se usará ademais a máquina nebulizadora adquirida polo Concello), o control da Policía Local do uso das máscaras,…

O Concello avanza que ademais vai iniciar unha campaña de promoción da hostalería, e vai realizar outra campaña de concienciación dirixida á veciñanza, ademais de anunciar ou aumento da frecuencia da recollida do lixo.

Protección Civil

Toma de Posesion do Proteccion Civil en Muxia
Ramón Pérez, terceiro pola dereita, formará parte da directiva nacional de Protección Civil

O Parador de Muxía foi o escenario escollido para a toma de posesión de Arturo Fuente Pedrejón, xefe da Agrupación de Voluntarios de Protección Civil de Getafe, como presidente da Asociación Nacional de Agrupaciones y Asociaciones de Voluntarios de Protección Civil de España (ANAV). Xunto a el, na directiva haberá un muxián, Ramón Pérez (o presidente da entidade local), que será o tesoureiro.

A Barca suspendida

Xa coñecíamos que as festas Romaría da Barca ía ter que esperar a 2021, e finalmente non haberá nada, nin actos relixiosos e festivos da Romaría da Virxe da Barca. Así, non se celebrará o novenario nin os catro días da Barca (venres, sábado, domingo e luns) e tampouco se permitirá baixo ningún concepto a organización de eventos festivos paralelos.

Comentarios