Enésima morte nas praias da Costa da Morte. Un home falecía afogado na praia muxiá de Nemiña na tarde ed onte martes 14 de setembro de 2010. Tratátabase dun veciño de Lugo, duns 50 anos, que pasaba uns días de vacacións na nosa bisbarra. Os acompañantes chamaron ao 112, que acodiu inmediatamente á praia pero só puideron cerciorar a súa morte. Malo que teñamos que sufrir todas estas perdas pola perigosidade dos areais da Costa da Morte. Pero veciños e visitantes deben decatarse do perigo que entraña bañarse nas bravas augas costeiras. Podemos ver na foto por exemplo, varios bañistas desafiando a mar o mesmo día que atoparon un cadaver na praia de Mar de Fóra.

4 mortos en menos de 2 meses

Con esta, xa van 4 mortos nas nosas praias nestes dous últimos meses. O primeiro tiña lugar nunha terraza da Praia Langosteira, onde un home de Valladolid falecía por un infarto fulminante,. Dúas semanas despois desaparecía o peregrino italiano na Praia do Rostro e un submarinista perdía a vida na praia de Barda, en Corme. Por último hai 10 días un catalán perdía a vida nos cantís de Fisterra.

Novas relacionadas

• 08-09-10: Apararece un cadáver en Fisterra que pode ser o do "italiano".
• 05-09-10: Unha nova morte nos cantís de Fisterra.
• 22-08-10: Un morto e un desaparecido nas praias da Costa esta fin de semana.
• 09-08-10: Morre un home na Praia Langosteira.