En concreto, acondicionaránse varias rúas nos lugares de Quintáns, Cibrán e no núcleo de Muxía. Así o anunciaba a Deputación da Coruña que é quen asume en solitario o 100% do custo das obras. No lugar de Quintáns substituirase o pavimento deteriorado e mellorarán o as instalacións do saneamento de augas residuais e pluviais. No lugar de Cibrán renovarán unha rúa interior con pavimento continuo de formigón. Xa no núcleo de Muxía, concretamente na rúa Virxe da Barca, executarase unha nova calzada con lousas de formigón.