O Tribunal Superior de Xustiza de Galicia avala a negativa da Dirección Xeral de Patrimonio á instalación de aeroxeradores no parque eólico Muxía II, na área de influencia do Camiño de Fisterra a Muxía. En concreto, nun tramo que afecta ás parroquias de Morquintián e Moraime, ambas as pertencentes ao municipio muxián. A empresa Desenvolvementos Eólicos presentara un recurso en alzada contra a decisión de Patrimonio, que, con todo, non recibiu resposta. Contra esa desestimación por silencio administrativo, a empresa acudiu á xustiza pero os xuíces danlle a razón á Xunta.

Un problema patrimonial que xa avanzaban ADEGA e o grupo ecoloxista da Ponte do Porto PX, e que os propios veciños xa valoraran no 2008, malia non presentar demasiada oposición.

O tribunal sinala que o citado informe non é impugnable. Así, a empresa deberá levantar os seus aeroxeradores a maior distancia da pretendida, tal e como se lle indicaba desde a Xunta.

O parque eólico Muxía II aínda está pendente de construír, aínda que xa ten todos os permisos. Terá 34 muíños. Ademais de Morquintián e Moraime tamén afectará aos montes de Nemiña.

Novas relacionadas

• 14-05-09: Os eólicos avanzan cara Muxía coa oposición de Patrimonio e de moitos veciños.
• 26-02-09: ADEGA tamén protesa pola liña de alta tensión dos eólicos de Muxía .
• 23-07-08: PX mostra o seu rexeitamento ao parque eólico de Muxía .
• 24-04-08: A Liña de Alta Tensión para os eólicos de Muxía, a exame .

Fonte

• Redacción de FRan Lago para QPC e radiONeria.
• La Voz de Galicia.