Percorrendo as pegadas que deixou Rosalía de Castro en Muxía
08:15 07/09/16
Os participantes fixeron un roteiro polos lugares da vila muxiá que aparacen na obra de Rosalía de Castro
Co obxectivo de poñer en valor a relación da vila de Muxía coa obra de Rosalía de Castro, Vicky Rivadulla - técnica de cultura do concello de Muxía e encargada da biblioteca municipal - foi a encargada de dirixir o obradoiro "Rosalía na Romaría da Barca" no que participaron nenos e nenas entre oito e doce anos do municipio muxián. Ésta é unha actividade que se enmarca dentro da programación da semana cultural das festas da Barca.
O obradoiro consistiu nunha ruta na que os participantes percorreron os lugares que aparecen na obra da poeta. O roteiro tivo dúas horas de duración e fixeron paradas en lugares como o Monte Corpiño, A Pel, as pedras da Barca, o santuario, a casa de López Abente, na ribeira de Muxía e na antiga ubicación da casa na que se aloxou Rosalía de Castro coñecida como a "casa do médico Leandro Abente" e que hoxe alberga o bar A Marina.
Vicky Rivadulla guiou o obradoiro "Rosalía na romaría da Barca"
En cada unha das paradas, Vicky Rivadulla explicoulle aos participantes os elementos relacionados coa historia da vila e coa estadía de Rosalía de Castro. Ademais, os nenos e nenas aproveitaron para ler textos da novela "La hija del mar" nos que aparecen descritos estes lugares e tamén fragmentos do poema de Cantares Gallegos adicado á Romaría da Barca.
Novas relacionadas
- A Costa da Morte celebra o nacemento de Rosalía de Castro
- A Costa da Morte conmemora o Día de Rosalía con varias actividades
- Rosalía de Castro volve á Galería de Mulleres de Muxía
- A asociación Muxía Turismo Rural adica o mes de febreiro a Rosalía de Castro
- Cee difunde a obra de Rosalía de Castro
- O BNG de Cee propón adicarlle o mes de febreiro a Rosalía de Castro
- Propoñen adicar o mes de febreiro ceense a Rosalía de Castro a prol da lingua galega
- A Fundación Eduardo Pondal é galardoada co V Premio Rosalía de Castro de Lingua e Cultura
- Muxía recuperou á Rosalía de Castro máis libre
- Rosalía de Castro celebrou o seu 175 aniversario en Ponteceso e Muxía
- Unha polos 175 anos de Rosalía de Castro dende Muxía e a Barbanza
- Redacción QPC ([email protected])
- Vicky Rivadulla