Acolleu o Parador de Muxía este sábado o acto de toma de posesión do presidente da Asociación Nacional de Agrupacións e Asociacións de Voluntarios de Protección Civil de España, Arturo Fuente. Voluntarios de todo o estado estiveron presentes ante a visita dunha completa delegación política, dirixida polo Delegado do Goberno na Coruña, Pedro Blanco, e a Directora Xeral de Protc. Civil e Emerxencia, Virginia Barcón.

Ambos animaron aos voluntario a seguir “traballando por unha sociedade máis libre e segura”, destacando a súa importancia como “primeiro eslabón da cadea da seguridade ante calquera emerxencia, prestando sempre un servizo exemplar, aínda que ás veces descoñecido”.