Venres. 29.03.2024
El tiempo

Lage Tuñas tamén amosa o "respaldo explícito" da Dirección Provincial ao refundado PSOE muxián

PSOE MUXÍA- REFUNDACIÓN AGRUPACIÓN SOCIALISTA
Novo grupo do PSOE muxián
Lage Tuñas tamén amosa o "respaldo explícito" da Dirección Provincial ao refundado PSOE muxián

Parece que se van calmando as cousas no seo do PSOE de Muxía. Despois do mar de fondo acontecido durante o verán, o grupo celebrou este pasado venres o acto de refundación da Agrupación. E fíxoo en Senande, pensando en potenciar o rural do actual eqiupo de goberno. A refundación estivo amparada ademais polo Secretario de Organización do PSOE Provincial, José Manuel Lage Tuñas, que volveu posicionarse despois de secundar a Lois Carballido trala saída de varios edís  do grupo de goberno pontecesán.

O secretario xeral é o actual alcalde da localidade, Iago Toba, e completan a executiva municipal Patricia Domínguez, como secretaria da agrupación, os dous únicos concelleiros socialistas, Olalla Benlloch -que será secretaria de Política Municipal- e Javier Romar -designado como Seretario de Medio Rural e Infraestructuras-, e Felipe Vilela como secretario de Atención Cidadá. Descataron o cambio xeracional no grupo, como avalou o propio Tuñas, que sinalou que "a apertura dunha nova etapa en Muxía, cun equipo que mestura mocidade e experiencia e que debe servir para reforzar o traballo municipal".

 

Comentarios