As profundas crises nos grupos municipais socialistas de Muxía e Ponteceso volven saltar todas as alarmas sobre posibles mocións de censura. Dous gobernos sustentados ata agora en maioría absoluta que parece que se comezan a tambalear, a pesar da actitude rotunda dos seus alcaldes, Iago Toba e Lois Carballido.

Muxía

Por Muxía, os catro edís que criticaron ao alcalde veñen de saírse do grupo municipal socialista (é certo que non eran afiliados) e xa son “Non adscritos”.

O Pleno queda conformado co goberno socialista con 3 edís do grupo de goberno (PSOE), 4 edís non adscritos, 3 edís do PP e un concelleiro do BNG.

Ponteceso

A última novidade en Ponteceso, despois de que o alcalde recuara e devolvera ao seu posto ao edil Faustino Santiago, é que a corporación vén de reducir o soldo do alcalde. A dedicación de Lois Carballido, tras unha moción aprobada presentada por APIN, pasará de 48.000€ (o máximo permitido) a 36.000€.

Entre os detalles da aprobación desta moción é que aos 4 edís que xa veñen demostrando discrepancias coa actitude “despótica” de Carballido (Faustino Santiago, Raquel Fondo, Ana Pérez, e Salvador Eiroa) sumouse desta volta Miguel Ángel González.

Así, os números do pleno quedarían abertos a que pasase calquera cousa.

Novas do caso #PSOEMuxía

• 27-07-2020: Catro edís socialistas piden perdón por “ter posto de Alcalde de Muxía” a Iago Toba.
• 24-07-2020: O PP e 4 edís do grupo de goberno bloquean os orzamentos do Concello de Muxía.
• 30-06-2020: Primeira crise no grupo socialista muxián.
• 18-06-2020: Muxía aprobou uns Orzamentos Municipais nos que destaca a subida da partida social.

Novas do caso #PSOEPonteceso

• 20-06-2020: 3 edís socialistas apoian a Faustino Lema, cesado “unilateralmente” polo alcalde por “opinar priorizando o interese dos veciñ@s”.
• 14-06-2020: Faustino Santiago explica o seu cese como edil pontecesán: "Non é falta de confianza, é abuso de poder do alcalde”.
• 28-05-2020: Carballido bota outro membro da súa corporación.
• 2019: Socialistas de Ponteceso critican ao alcalde
• 2019: Militantes socialistas de Ponteceso critican o incumprimento o procedemento na elaboración da lista.