Hoxe reuniuse o xurado do Premio Maria Amelia 2013, un premio co que o Concello de Muxía quere recoñecer o traballo daquelas persoas a prol do patrimonio material e inmaterial de Muxía e a súa bisbarra, e a promoción de valores positivos entre a veciñanza.

O Alcalde Félix Porto presentou na reunión a proposta de Alcaldía de entregar o premio aos dous candidatos de este ano:

• Xosé Búa Trillo, responsable da web piratasdemuxia.es, dende a que se promocionan o deporte e o patrimonio muxián, ademais de dar difusión aos actos culturais que se desenvolven no municipio, prestando grande dedicación e tempo a este traballo;
• Jesús Toba Novo, conserxe do CEIP Os Muíños, coautor dos libros do "Corvo Roque", e persoa moi entregada á dinamización dende este centro educativo, colaborando en moitas actividades culturais. O seu traballo é moi valorado polas familias muxiás.

O xurado aprobou esta proposta do Alcalde e o premio será entregado aos dous candidatos o día 31 de agosto.

Novas relacionadas

• 2012: Aurelio González Fernández recibe o Premio María Amelia 2012.
• 2010: Xan Fernández Carrera galardoado co Premio Maria Amelia 2010.
• 20-05-10: Un ano sen María Amelia.
• 21-05-09: Ata sempre María Amelia.
• 27-03-09: María Amelia descobre o vídeo chat.
• 09-05-08: Entrevsta con María Amelia: ” Son socialista desde os 16 anos”.
• 19-11-07: María Amelia gaña o premio Bobs ao “Mejor Blog de habla hispana”.
• 02-09-07: 1ª entrevista: María Amelia fala por internet.

Fonte

• Concello de Muxía.