Chega á súa fin a fase regular da Liga do Concello de Muxía para este verán no terreo do fútbol sala. A falta dunha xornada para o remate, os equipos que loitarán polo título xa están decididos. Deste xeito quedan fóra da loita o Lareira e o Praia de Quenxe. O primeiro clasificado vai ser o Clínica Sar de Cee. Os enfrontamentos dos play-offs non se decidirán ata o derradeiro encontro, que será este xoves e enfrontará ao Fisober co Praia de Quenxe. Os cuartos de final xogaranse o venres 29 de xullo e o luns 1 de agosto. En canto ás semifinais, serán o mércores 3 de agosto. Por último, o 3º e 4º posto e a final quedarán para o venres 5. No referido aos goleadores, Fran do Fisober lidera a clasificación con 19 dianas. O segundo é Aitor, do Clínica Sar, con 16 tantos. O porteiros menos goleados son Simón e Santi, do Clínica Sar, con 13 goles encaixados. Cabe destacar na pasada xornada a vitoria do Fisober diante do P. Inferno-Barral por cinco goles a tres, formando a maior parte do partido con Rafa na portería e como xogadoras de pista Ana, Patri, Barca e Nuria, esta última autora de 3 dos 5 tantos.

Novas relacionadas

• San Clemente, Tella e Muxía ofrecennos verbenas esta fin de semana.
• A nova ponte de Vaosilveiro.
• 34 aeroxeradores poboarán os montes de Muxía.

Fonte

• Nota de prensa do Fisober