34 aeroxeradores poboarán os montes de Muxía
09:40 18/07/11
Semellaba que o Camiño podería ser a peza salvadora que protexera a Muxía dos aeroxeradores, pero finalmente non vai ser así. I é que segundo recollía o Diario Oficial de Galicia na xornada do pasado venres, a Consellería de Industria publicou a declaración de impacto ambiental dos parques eólicos Muxía I e Muxía II. Uns parques promovidos pola empresa Desarrollos Eólicos. Ubicaranse na zona un total de 34 viraventos que acadarán unha potencia de 48 megavatios.
Segundo a Xunta de Galicia é unha instalación viable no que se refire ao eido medioambiental. Lembramos que no parque Muxía II xa se produciran algunhas modificacións esixidas pola Dirección Xeral de Patrimonio, i é que no proxectado inicialmente, víanse afectadas as parroquias de Morquintián e Moraime, polas que transcorre o Camiño entre Muxía e Fisterra.
A inversión por parte da empresa promotora ascenderá a 73 millóns de euros. O Concello de Muxía colleitará unha serie de ingresos económicos.
Novas relacionadas
- 10-01-11: O grupo ecoloxista PX amósase satisfeito ante a resolución sobre a ubicación do parque eólico muxián.
- 07-01-11: O Camiño alonxa os eólicos da zona de Muxía.
- 14-05-09: Os eólicos avanzan cara Muxía coa oposición de Patrimonio e de moitos veciños.
- 26-02-09: ADEGA tamén protesa pola liña de alta tensión dos eólicos de Muxía .
- 23-07-08: PX mostra o seu rexeitamento ao parque eólico de Muxía .
- 24-04-08: A Liña de Alta Tensión para os eólicos de Muxía, a exame .