Hai case unha década que non expón, pero é que a labor divulgadora desta artista e ao tempo, técnica de cultura do Concello de Muxía, céntrase sempre nos demais. A través da súa relación coa Fundación López Abente, ou simplemente como dinamizadora cultural da zona, Viki artella exposicións, recitais, concertos... E moitas veces aparca a súa arte, pero en breve poderemos disfrutala.

Viki, que ademais é colaboradora desta casa dende a Sala do Perello, xa ten lista a súa exposición na Sala do andar 1 do Pazo da Cultura de Carballo. A inauguración será o xoves, 28 de febreiro, e trátase dunha mostra de pintura e escultura baixo o título de "O meu mar".

O acto de inauguración, que será ás 20:30 horas, será tamén unha mostra da arte poética costeira, na que intervirán ademais os poetas Rosalía Fernández Rial, X. H. Rivadulla Corcón, Miro Villar, Suso Bahamonde e Paco de Tano. Un luxo de amizades e familia, vaia.

A mostra permanecerá exposta ata o 30 de marzo.

Máis información

• www.vikirivadulla.com.

Novas relacionadas

• A muxiá Viki Rivadulla expón a súa arte comprometida na rede.
• A mirada de 4 artistas dende Muxía.

Artigos de Viki Rivadulla

• Que é a Sala do Perello?.
• Forza creativa e resistencia na Costa da Morte.
• Novembro.
• Dos retratos de Antonio Nodar aos autorretratos dos nosos gobernantes.
• Por que un Curso de galego aplicado ás Novas Tecnoloxías?.

Fonte

• Redacción de QPC ([email protected]).