Fin de semana completa para os dous clubs soneirán de tenis de mesa, tanto nas ligas, como no Campionato Intercomarcal celebrado en Zas.

Campionato Intercomarcal de base

O pavillón de Zas viviu a festa do tenis de mesa de base, na que os dous equipos costeiros demostraron estar ao mellor nivel de Galicia.

A familia do AD Zas, conseguiu gañar 4 de 5 probas, sumando ouros en benxamín, alevín masculino, alevín feminio, e cadete, quedando tamén subcampión infantil.

Pola súa banda, o VTM Vimianzo foi o concello da comarca que máis participantes achegou a este campeonato, conseguindo tamén subir ao podio en todas as categorías. E saca peito aí o club, dando conta da lista de agarda que xa ten para poder inscribir e formar máis crianzas.

Na Liga, a un paso do título

Ademais, xa nas Ligas, e pesar do tropezo pola mínima da pasada fin de semana, o VTM Pinturas Figueiras pode facer historia este próximo sábado e conseguir o Campeonatode de 1ª División Galega de tenis de mesa. Xogará na cidade da Coruña no polideportivo municipal do Barrio das Flores ás 17:00h ante o CTM Coruña "A" o seu último partido de liga desta temporada, Tera que gañar (3 puntos ) ou de non ser así esperar a que o Conxo TM non consiga 10 puntos nos 2 partidos qud lle restan. Será un partido complicado xa que o seu rival está loitando por non descender.

Pola súa parte, a familia do AD Zas tivo boas novas esta pasada finde, coas vitorias do Ponciano Nieto na 2ª Div. Nacional (en Lugo por 4-2); a do AD Zas Axiña Telecom na 1ª Galega no derbi fronte o Vimianzo por 3-2; e a do Pinar por 4-1 ao Conxo TM.

Máis novas