O Xadrez Náutico Camariñas segue medrando
06:55 22/01/19
Segue espallándose o xadrez por Camariñas, da man da sección de Xadrez do Club Náutico de Camariñas. O equipo xa está de alta na Federación galega de Xadrez e nesta semana comezara o proceso de federar aos membros do equipo que están nestos momentos en clases de formación, preparación e adestramento, e que van dende rapaces e rapazas de 5 anos, pasando polo resto de categorías, 8, 10, 12 anos, etc. e sumando a outros xogadores/as do Concello de Camariñas que voltan de novo a un equipo para poder competir, chegando así a máis de 25 persoas que xa integran o planten do Xadrez Náutico Camariñas.
O club conta co apoio do Concello e do IES Pedra da Aguia, co fin de poder así atender a demanda de inscricións.
Os horarios das clases, son:
- Nivel básico: luns e sábados, de 18,00 h. a 19,30 h.
- Nivel medio e avanzado: martes e xoves, de 17,30 h. a 19,00 h.