Segue adiante o proceso de denuncia que o CSIF ten en marcha en Ponteceso contra o seu alcalde, Lois García Carballido. Despois de pasar polo Xulgado e tralas reiteradas denuncias da organización sindical máis representativa do Concello pontecesán, é agora a Fiscalía Provincial da Coruña que denuncia a Carballido e ao goberno municipal.

Así informou o CSIF o pasado venres, sinalando que a fiscalía “acaba de dictar Decreto e Denunciar ao Goberno Municipal de Ponteceso e en particular a José Luís García Carballido nos Xulgados por un presunto delito de Prevaricación e tamén por presuntos delitos de Coacción e ameazas”.

Desde CSIF en nome dos empregados públicos do Concello de Ponteceso, levan pedindo a intervención urxentes dos poderes púlicos ante “a gravidade dos feitos no marco dos traballadores de axuda no fogar, entre outros.

Por parte municipal, o alcalde socialista, que conta co apoio dos membros do goberno tripartito APIN e BNG, sinalou que “é un boicot contra o pobo de Ponteceso duns poucos traballadores”.

Novas relacionadas

• Outubro 2016: O CSIF volve denunciar irregularidades cos contratos de limpeza e Axuda no Fogar de Ponteceso.
• Setembro 2016: Denuncian que as traballadoras de Servizos Sociais de Ponteceso non cobran os desprazamentos.
• Agosto 2016: O CSIF denuncia o caos laboral no Concello de Ponteceso.
• Xullo 2016: O CSIF denuncia as “mentiras e enganos” do alcalde de Ponteceso en materia laboral.
• Marzo 2016: Lois Carballido declara no Xulgado por unha denuncia por acoso laboral e prevaricación.

Fonte

• Redacción de QPC (info@quepasanacosta.com).