Segue establecendo vínculos a Fundación Eduardo Pondal. A semana pasada uníase á Fundación Curros Enríquez, e desta volta vai mási alá. José Luís Fondo Aguiar, presidente da Fundación Eduardo Pondal, vén de tramitar a alta da entidade que preside na Asociación de Casas-Museo e Fundación de Escritores (ACAMFE). Con isto, a Fundación Eduardo Pondal pasa a formar parte dunha rede estatal de Casas-Museo de destacados escritores de España e que mesmo ten proxección noutros países de fala castelá, en Portugal e Brasil. Unha selección de Casas-Museo ou Fundacións de Escritores que xa forman parte desta Asociación son as seguintes. No ámbito do estado español podememos encontrar as de Rafael Alberti, Azorín, Vicente Blanco Ibáñes, Miguel de Cervantes, Federico García Lorca, Unamuno, Benito Pérez Galdós, Gabriel Miró ou Miguel Hernández. No ámbito galego, forman parte da mesma Ramón Cabanillas, Carlos Casares, Manuel Curros Enríquez, Rosalía de Castro, Emilia Pardo Bazán, Vicente Risco, Ramón María del Valle Inclán ou Ramón Otero Pedrayo.

Fins da ACAMFE

Os fins da Asociación de Casas-Museo e Fundación de Escritores (ACAMFE) son os seguintes:

• 1.- Favorecer o encontro, cooperación e estudo das Casas-Museo e Fundacións de Escritores (en adiante CMF) asociadas, para a promoción, difusión e defensa dos intereses e actividades comúns, perante as Administracións Públicas e perante a sociedade en xeral.
• 2.- Promocionar e difundir a literatura en xeral e a de cada escritor en particular.
• 3.- Establecer canles de asesoramento e información entre os asociados sobre actividades xerais que afecten ás CMF (lexislación, axudas, turismo…) e sobre actividades particulares das CMF (técnicas e metodoloxías de traballo, congresos, exposicións, publicacións…)
• 4.- Fomentar e coordinar actividades compartidas por dúas ou máis CMF (investigación, publicacións, intercambios…)
• 5.- Organizar programas de estudos académicos universitarios e de posgrao, cursos, ciclos de conferencias, exposicións, publicacións, edicións e outros análogos, así como todos os servizos que a devandita actividade conleva, para o mantemento dos fins da Asociación.
• 6.- Difundir as actividades das CMF, no seu conxunto ou particularmente, polos medios máis adecuados (reunións, boletíns, guías científicas e turísticas, programas multimedia…)
• 7.- Representar as CMF asociadas perante as autoridades e organismos, públicos e privados, solicitando deles as medidas e axudas que mellor conveñan ós fins da Asociación e de cada un dos escritores representados.
• 8.- E, en xeral, participar en todas aquelas actividades que sexan de interese da Asociación, dos seus asociados e da sociedade en xeral.

Novas relacionadas

• Pondal e Curros unidos polas súas fundacións.
• A Fundación López Abente e a SEMESCOM unen forzas para coidar o patrimonio.
• A gravación dunha «Polafía» rescatará no Entroido de Cerqueda romances, contos, lendas e vellas coplas satíricas.
• Nota de prensa da Fundación Eduardo Pondal.

Fonte