A Agrupación Pondaliana Independente presentou nas últimas horas a través do seu único edil no Concello, unha solicitude para a minimización do impacto nos cidadáns das obras de recollida de pluviais e augas residuais que están a ter lugar na Avenida Eduardo Pondal da capital municipal. Segundo APIN, “estanse a producir prexuizos e molestias aos negocios e aos veciños de dita avenida”. Deste xeito, os Independentes piden a presenza da policía local no cruce da estrada de Malpica e no cruce da Ferradura, “principalmente en momentos en que o semáforo instalado non é suficiente para regular o tráfico”. Por outra banda piden que, unha vez remate a xornada de traballo, o camión de bombeiros municipal regue a obra coa fin de evitar que o pó afecte aos negocios e vivendas da avenida. Para rematar, APIN solicita que a empresa coloque chapas de ferro para reducir o grao de ruido e eliminar riscos de cara á circulación do tráfico. Novas relacionadas

• Ponteceso inaugurou o novo Centro Sociocultural de Xornes.
• Corme non cansa de loitar pola TDT.
• Ponteceso e Corme soben ás dúas rodas.

Fonte

• Nota de prensa da Agrupación Pondaliana Independente.