Esta mañá tivo lugar a entrega oficial dos os títulos de propiedade da concentración parcelaria de Cores-Nemeño, en Ponteceso. 

Este proceso de reestruturación da propiedade abrangueu unha superficie de 303,17 hectáreas, pertencentes a 546 veciños, e contou cun investimento de 1,6 millóns de euros para as asistencias técnicas e obras dos camiños principais, secundarios e outras obras complementarias. No acto desta mañá, o conselleiro incidiu na importancia deste traballo, co que se pasou de máis de 2.500 parcelas a 863 fincas, triplicando o tamaño medio dos predios, ao pasar de 1.090 metros cadrados a preto de 3.360.